Azərbaycan Elmi-Tədqiqat Travmatologiya və Ortopediya İnstitutu və “Qəbələ Rayon Mərkəzi Xəstəxanası” publik hüquqi şəxsin təşkilatçılığı ilə Qəbələ rayonunda Ulu Öndər Heydər Əliyevin 100 illik yubileyinə həsr olunmuş regional seminar keçirilib.
Bu barədə Aztibb.az-a Rayon Xəstəxanasından xəbər verilib.
Seminarı giriş sözü ilə Elmi-Tədqiqat Travmatologiya və Ortopediya İnstitutunun direktoru Şahin Əkbərov açaraq Ulu Öndərin Azərbaycan səhiyyəsindəki rolundan, həyat və fəaliyyətindən bəhs edib.
Tədbirdə Elmi-Tədqiqat Travmatologiya və Ortopediya İnstitutunun professor-müəllim heyəti, Qəbələ Rayon Mərkəzi Xəstəxanasının həkim kollektivi, eləcə də Mingəçevir, Gəncə, Göyçay, Ağdaş Ucar, Kürdəmir, Oğuz, Qax və digər rayonlardan olan travmatoloq-mütəxəssislər iştirak edərək travmatologiyanın müasir problemləri, yeniliklər, regionlarda travmatologiyaya aid problemlərə dair müzakirələr aparıblar.
