TƏBİB-in tabeliyindəki Şirvan Şəhər Mərkəzi Xəstəxanasının, Tibbi Reabilitasiya Xəstəxanasının və Beyləqan Rayon Mərkəzi Xəstəxanasının direktorları kollektivə təqdim olunub.

Bu barədə Aztibb.az-a TƏBİB-dən xəbər verilib.

Bildirilib ki, TƏBİB-in İcraçı direktorunun müavini Araz Nəsirov Şirvan Şəhər Mərkəzi Xəstəxanasının direktoru Pərviz Rüstəmbəyovu, TƏBİB-in İcraçı direktorunun müavini Anar İsrafilov Tibbi Reabilitasiya Xəstəxanasının direktoru Rüfət Cabbarlını, TƏBİB-in Koordinasiya şöbəsinin müdiri Mübariz Ağayev isə Beyləqan Rayon Mərkəzi Xəstəxanasının direktoru Bayram Muradovu kollektivə təqdim edərək tibb müəssisələrində xidmət keyfiyyətinin yüksəldilməsinin, pasient məmnunluğunun təmin edilməsinin vacibliyini vurğulayıblar.

Yeni təyin edilən direktorlar etimada görə təşəkkürünü bildirib və qarşıya qoyulan hədəflərə nail olmaq üçün səylə çalışacaqalarını qeyd ediblər.