Tibb elmləri doktoru Afət Ağazadəyə Azərbaycan Respublikasının Prezidenti yanında Ali Attestasiya Komissiyasının (AAK) qərarı ilə elmi-pedaqoji fəaliyyətə görə tibb elmləri sahəsinin 3226.01 – “Stomatologiya” ixtisası üzrə professor elmi adı verilib.

Bu barədə Aztibb.az-a AAK-dan bldirilib.

Qeyd edək ki, A.Ağazadə Ə.Əliyev adına Azərbaycan Həkimləri Təkmilləşdirmə İnstitutunun Stomatologiya və üz-çənə cərrahiyyəsi kafedrasının əməkdaşıdır. O, 2013-cü ildə "Osteoporozlu xəstələrdə dental implantasiya zamanı diaqnostika və müalicə metodlarının təkmilləşdirilməsi" mövzusunda dissertasiya işini uğurla müdafiə edib.