"Həkimlərimizi tanıyaq!" rubrikasında söz açacağımız Ruhanə Əzizova Ağdaşın sevilən-seçilən həkimlərimizdən biridir. O, bu günədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.

Ruhanə Məmməd qızı Əzizova 2 may 1967-ci ildə Ağdaş rayonunda anadan olub. 1985-1991-ci illər ərzində Azərbaycan Tibb Universitetinin II Müalicə profilaktika fakültəsində təhsil alıb. 1991-1992-ci illərdə M.Topçubaşov adına Kliniki və Ekspremental Cərrahiyyə Elmi-tədqiqat İnstitutunda internatura keçib.

O, 1992-ci il tarixdən “Ağdaş Rayon Mərkəzi Xəstəxanası” PHŞ-nin Anesteziologiya reanimasiya və intensiv terapiya şöbəsində anestezioloq-reanimatoloq vəzifəsində çalışır.