TƏBİB-in tabeliyində olan Gəncə Şəhər Birləşmiş Xəstəxanasının yeni müasir tələblərə cavab verən avadanlıqlarla təmin edilməsi davam edir.
Xəstəxanadan Aztibb.az-a verilən xəbərə görə, bu dəfə Uşaq xəstəxanasında çoxunksiyalı ultramüasir LOR-kombayn avadanlığı quraşdırılıb. Bütün qulaq-burun-boğaz xəstəliklərinin müayinə və müalicəsində əvəzsiz olan LOR-kombayn artıq vətəndaşların istifadəsinə verilib.
LOR-kombayn otorinolarinqologiya kabinetlərinin funskional təchizatı üçün çoxfunksiyalı kompakt cihazdır. Bu cihazın əsas xüsusiyyəti müayinə və müxtəlif müalicəvi-profilaktik prosedurlar həyata keçirmək üçün vacib olan çox sayda alətlərin bir blokda mövcud olmasıdır. İdarəetmənin sadəliyi, bir çox proseslərin avtomat rejimdə həyata keçirilməsi və vaxt itkisini əhəmiyyətli dərəcədə optimallaşdırmaq imkanı LOR-kombaynların üstün cəhətlərindən hesab olunur. Bütün bu cəhətlər günü ərzində çox sayda xəstə qəbul etməyə imkan yaradır.
