Tibbi Ərazi Bölmələrini İdarəetmə Birliyinin (TƏBİB) Tibbi cihaz və avadanlıqlar və Strategiya və layihələr şöbələrinin əməkdaşları, habelə ekspertlərin iştirakı ilə ümumilikdə ölkə üzrə bütün tabeli tibb müəssisələrində radioloji tibbi xidmətin təkmilləşdirilməsi məqsədilə çoxşaxəli dəyərləndirmələr həyata keçirilib. Ehtiyac normasına uyğun təminatla bağlı təkliflər hazırlanıb.

 

BU barədə Aztibb.az-a TƏBİB-dən məlumat verilib.

 

Billdirilib ki, əksər tibb müəssisələrinə yerində baxış keçirilib və radioloji tibbi cihazların cari vəziyyətinin qiymətləndirilməsi aparılıb. Baxış zamanı vətəndaşların radioloji xidmətə əlçatanlığının tam təmin olunması məqsədilə, tibb müəssisələrinin ehtiyacları, cihazların işləklilik vəziyyəti barədə toplanmış məlumatlar əsasında təhlillər aparılıb.

 

Respublikanın bütün tabeli tibb müəssisələrinə baxış keçirildikdən sonra ölkə üzrə radioloji tibbi cihazların təminatı ilə bağlı yeni planın hazırlanması nəzərdə tutulub.