Nərimanov Rayon İcra Hakimiyyətinin başçısı Elgin Həbibullayev “Azərbaycan Qan Donorluğunun İnkişafı Mərkəzi”nin (AQDİM) İdarə Heyətinin sədri Fuad Rəsulu və Beynəlxalq Natural Bodibildinq və Fitnes Assosiasiyasının Avrasiya və Azərbaycan nümayəndəliyinin, Kəndirlə Mübarizə İdmanı Cəmiyyətinin prezidenti Elnur Şıxəliyevi qəbul edib.

Bu barədə Aztibb.az-a AQDİM-dən xəbər verilib.

Görüş zamanı Fuad Rəsul rayon gəncləri arasında qan donorluğunun təbliğatının aparılmasında və gücləndirilməsində, həmçinin yaxın günlərdə ilk dəfə gənc qan donorları arasında baş tutacaq idman yarışının ərsəyə gəlməsində göstərilən dəstəyə görə başçıya təşəkkürünü bildirib.

Qeyd edək ki, "Azərbaycan Qan Donorluğunun İnkişafı Mərkəzi”nin əsas məqsədi Azərbaycan Respublikasının müvafiq dövlət orqanları və özəl sektorları ilə qan donorluğu sahəsində yaxından əməkdaşlıq etmək, eyni zamanda Bakı və regionlarda bu istiqamətdə aparılan işin daha da gücləndirilməsinə dəstək verməkdir. Həmçinin irsi qan xəstəliyi ilə bağlı gənclər arasında təbliğatın gücləndirilməsi qurumun əsas vəzifələrindəndir. 

Xatırladaq ki, qanvermə aksiyaları və təbliğat xarakterli tədbirlər Azərbaycan Respublikasının Prezidenti cənab İlham Əliyevin təsdiq etdiyi "Hemofiliya və Talassemiyadan əziyyət çəkən uşaqlara qayğı" Dövlət Proqramına uyğun, həmçinin Heydər Əliyev Fondunun "Talassemiyasız həyat naminə" proqramı çərçivəsində təşkil olunur.