Xəstənin valideynləri 2 yaşlı uşağın döş qəfəsinə iynə batması şikayətilə Azərbaycan Respublikası Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutuna müraciət ediblər. Rentgen müayinəsində sağ tərəfdə diafraqma üzərində köndələn yerləşən iynə müəyyən edilib.

 

İnstitutdan Aztibb.az-a verilən xəbərə görə, uşağa sağ plevral boşluğun yad cisimi (iynə) diaqnozu qoyulub.

 

Körpəyə uşaq cərrahı Sabir Novruzov tərəfindən cərrah Dünya Əzizovanın assisentliyi ilə sağ tərəfli torakotomiya, yad cismin xaric edilməsi əməliyyatı icra olunub.

 

Əməliyyatdan sonra vəziyyəti yaxşılaşan İlahə bala sağ-salamat evə yola salınıb.