"Həkimlərimizi tanıyaq!“ rubrikamızda bu dəfə Sumqayıt Tibb Mərkəzinin Uşaq Xəstəxanasının ortopoed-travmatoloqu Natiq Həsənovdan bəhs edəcəyik.

 

O,  1982-cü ildə Qubadlı rayonunda anadan olub. 1999-2005-ci illərdə Azərbaycan Tibb Universitetinin Müalicə işi fakültəsində təhsil alıb. 2006-2007-ci illərdə M.F. Vladimirski adına Moskva Elmi Tədqiqat Kliniki İnstitutunda travmatoloq-ortoped kursu keçib. Həmçinin 2007-2008-ci illərdə Ə. Əliyev adına Azərbaycan Dövlət Həkimləri Təkmilləşdirmə İnstitutunda, 2009-2010-cu illərdə Türkiyənin paytaxtı Ankarada Sami Ulus Uşaq Xəstəxansında travmatoloq-ortoped kursu keçib.

 

Natiq Həsənov 2002-ci ildə əmək fəaliyyətinə Respublika Neyrocərrahiyyə Xəstəxanasında tibb qardaşı olaraq başlayıb. 2005-2006-cı illərdə Şəki Rayon Mərkəzi Xəstəxanasında həkim-nevropatoloq kimi internatura keçib.

 

2007-2008-ci illərdə özəl tibb müəssisələrindən birində, 2008-2009-cu illərdə Bərdə Rayon Mərkəzi Xəstəxanasında, 2010-2014-cü illərdə Ağdam Rayon Mərkəzi Xəstəxanasında ortoped-travmatoloq vəzifəsində çalışıb.

 

O, 2014-2015-ci illərdə özəl tibb müəssisələrindən birində fəaliyyətini davam etdirib. 2015-ci ilin aprel-noyabr aylarında Almaniyanın Bonn Universitetinin Klinikasında həkim, ortoped-travmatoloq, 2017-2021-ci illərdə müxtəlif özəl tibb müəssisələrində ortoped-travmatoloq, artroloq işləyib. 2022-ci ilin yanvar-aprel aylarında Ağdam Rayon Mərkəzi Xəstəxanasının Qəbul şöbəsinin həkimi, Təcilit tibbi yardım şöbəsinin müdiri olub.

 

2022-ci ilin noyabr ayından Sumqayıt Tibb Mərkəzinin Uşaq Xəstəxanasında ortoped-travmatoloq vəzifəsində çalışır.