Enerji içkilərinin tərkibinə şəkər, saxaroza, qlükoza, dadlandırıcı və ətirli maddələr qatılır. Bu cür maddələrin həddən artıq qəbulumədəaltı vəzdə problemlərə, qaraciyərin piylənməsinə, kökəlməyə, iştahasızlığa aparıb-çıxarır.

 

Aztibb.az xəbər verir ki, bu barədə Diaqnoz Tibb Mərkəzinin həkim-hepatoloqu Tofiq Əkbərov məlumat verib.

 

Hepatoloq bildirib ki, müəyyən müddətdən sonra şəkərli diabet və insulinə rezistentlik yaranır. Üstəlik, yuxu pozuntusu, əsəbilik və tez qıcıqlanma halları da meydana çıxır: "Ümumi statistik nəticələrə əsasən, bu içkilərin zərəri sübut olunub. Onlar xüsusilə qaraciyər, ürək-damar, mədə-bağırsaq, şəkərli diabet, nevroz xəstələrinə birmənalı olaraq zərərli təsir göstərir.