Təcili tibbi yardıma, xüsusilə operativ cərrahi müdaxiləyə ehtiyac yarananda həssaslığın itirilməsi həlledici əhəmiyyət daşıyır. Bu sahədə ilk uğuru eramızdan əvvəl I əsrdə yunan filosofu və həkimi Dioskorid qazanmışdı. O, imperator Neronun vaxtında Roma ordusunun yaralanmış döyüşçülərini sağaltmaq üçün mandraqora bitkisindən yuxugətirən və sakitləşdirici dərmanlar hazırlayır və onun köməyi ilə cərrahi əməliyyatlar aparırdı.

 

1846-cı il oktyabrın 16-da amerikalı həkim Tomas Morton efir narkozunun altında əməliyyat keçirərək ümumi narkozun tətbiqini açıq şəkildə nümayiş etdirdi. Elə o vaxtdan həmin gün – oktyabrın 16-sı Ümumdünya Anesteziya Günü kimi təqvimə düşüb. Bu gün insan orqanizminin bütün nahiyələrində, orqanın bütün hissəsində istənilən kiçik və irihəcmli, hətta ən incə orqanlarda belə əməliyyatları təhlükəsiz həyata keçirmək mümkündür.