24.07.2023-cü il tarixində gecə saatlarında Mingəçevir şəhəri, Kür çayı sahilində istirahət üçün nəzərdə tutulmuş qayığın sahilə çırpılması nəticəsində xəsarət alan 5 nəfər Mingəçevir Şəhər Mərkəzi Xəstəxanasına yerləşdirilib.

Bu barədə Aztibb.az-a Xəstəxanadan xəbər verilib.

Bildirilib ki, xəsarət alanlar - 2007-ci il təvəllüdlü H.F.Həsənzadə “Almacıq sümüyü və əngin sınığı”, 1995-ci il təvəllüdlü S.Ə.Ramazanova “Burun sümüklərinin sınığı”, 1998-ci il təvəllüdlü B.E.Abbaszadən “Baldır sümüklərinin sınığı”, 2000-ci il təvəllüdlü S.K.Allahverdiyev “Yuxarı ətraf qurşağının və bazunun səthi travması”, 2002-ci il təvəllüdlü M.İ.Rzayev “Döş qəfəsinin səthi travması” ilə Mingəçevir ŞMX-nın Acil bölməsinə yerləşdirilib.

Onlardan S.K.Allahverdiyev və M.İ.Rzayev ilkin tibbi yardım göstərildikdən sonra ambulator müalicə üçün evə buraxılıb. B.E.Abbaszadənin müalicəsi Mingəçevir Şəhər Mərkəzi Xəstəxanasının Cərrahiyyə şöbəsində, H.F.Həsənzadənin və S.Ə.Ramazanovanın müalicələri isə Kliniki Tibbi Mərkəzdə davam etdirilir.