TƏBİB-in tabeliyində fəaliyyət göstərən Cəbrayıl Rayon Mərkəzi Xəstəxanasında cari ilin ilk 6 ayı ərzində görülmüş işlərə dair hesabat xarakterli iclas keçirilib.
Xəstəxanadan Aztibb.az-a bildirilib ki, tədbirdə şöbə müdirləri, bölmə müdirləri, məntəqə müdirləri, xəstəxananın orta tibb və kiçik tibb heyəti və qeyri tibb işçiləri iştirak ediblət.
İclasda Cəbrayıl Rayon Mərkəzi Xəstəxanasının direktoru Anar Zamanov cari ilin 6 ayı ərzində görülmüş işlər barədə məlumat verib. O, bu il ərzində öz işini səmərəli şəkildə yerinə yetirmiş Cəbrayıl Rayon Mərkəzi Xəstəxanasının 14 əməkdaşını təşəkkürnamə ilə təltif edib. Bir qrup əməkdaş isə öz işlərini düzgün yerinə yetirə bilmədiyi üçün tənbeh edilib.
Daha sonra Cəbrayıl Rayon Mərkəzi Xəstəxanasının şöbə müdirləri və məntəqə müdirləri yarım ildə görülmüş işlər barədə hesabatlarını təqdim ediblər.
Hesbatın sonunda Mərkəzin direktoru A.Zamanov şöbə müdirləri və məntəqə müdirlərinə gələcək işlərində daha da məsuliyyətli olmaqları barədə tapşırıq və tövsiyələrini verib.
