Azərbaycan Tibb Universitetində ABŞ-ın Georgetown Universitetinin Tibb Mərkəzi, Farmakologiya və Fiziologiya kafedrasının professoru Yuichiro Justin Suzuki ilə görüş keçirilib.
Universitetdən Aztibb.az-a verilən xəbərə görə, görüş zamanı qonağa Azərbaycanda tibb elminin və tibb təhsilinin inkişafı sahəsində dövlət səviyyəsində görülən işlər, həmçinin, ATU-dakı tədris prosesi, universitetin beynəlxalq əlaqələri barəsində ətraflı məlumat verilib.
Professor Yuichiro Justin Suzuki də öz növbəsində ATU rəhbərliyinə diqqət üçün təşəkkür edib. Görüşdə ABŞ-ın Georgetown Universiteti ilə ATU arasında gələcək əməkdaşlıq, birgə elmi araşdırmaların aparılması və digər məsələlər barəsində müzakirə olunub.
Görüşdə ATU-nun elmi işlər üzrə prorektoru, professor Rauf Bəylərov, Beynəlxalq əlaqələr üzrə prorektor dosent Orxan İsayev, eləcə də Sitologiya, Embriologiya və Histologiya kafedrasının dosenti Günel Əyyubova və b. iştirak ediblər.
