Oynaqlarda ağrı, şişkinlik revmatik xəstəliklərin əsas göstəricilərindən sayılır. Bu, çox vaxt hərəkət məhdudluğuna və oynağın deformasiyasına gətirib çıxarır. Belə hallar müşahidə edilən insanlarda tez yorulma və əmək qabiliyyətinin aşağı düşməsi baş verir.

 

Aztibb.az xəbər verir ki, Mingəçevir Şəhər Mərkəzi Xəstəxanasının həkim-revmatoloqu Könül Xasıyeva bildirib ki, oturaq həyat tərzi də deformasiyaedici ostreartrozlara və fiziki-psixi gərginliyə səbəb olur. Həmçinin qığırdıqda finksional vəziyyətin pisləşməsinə gətirib çıxarır: "Həm az hərəkət etmək, həm də həddindən artıq fiziki işlə məşğul olan insanlarda, məsələn, klassik idmançılarda da vaxtından tez qığırdağın zədələnib sıradan çıxması halları müşahidə olunur. Bunun sonrakı fəsadı isə, əllilikdir. Məsələn, revmatit artiritə vaxtında diaqnoz qoyulub müalicə olunmazsa əlliliyə gətirib çıxarır".

 

Revmatoloq qeyd edib ki, əgər vaxtında diaqnoz qoyularsa, belə xəstələr uzun müddət iş qabiliyyətini saxlayır. Məsələn, sistem qırmızı qurd eşənəyi əvvələr sağalmayan xəstəliklər qrupuna aid edilirdisə, indi bu xəstəliyə vaxtında diaqnoz qoyulması o insanların sağalmasına çox böyük köməklik edir. Müasir müalicə metodlarından istifadə edən xəstələrin təxminən 20%-i sağalır. Düzgün və vaxtında diaqnoz qoyulmaması onların erkən həyatlarının itirməsinə və əlilliyə səbəb olur.