Onun sözlərinə görə, burada əsas məqam hepatitlərin erkən dövrdə aşkarlanması və müalicə istiqamətinin düzgün seçilməsidir. Nəzərə alsaq ki, hepatitlər təsadüfi müayinələr zamanı aşkarlanır, bunun üçün vaxtaşırı tibbi müayinələrdən keçmək məsləhətdir.

 

Tofiq Əkbərov hepatitdən qorunmağın yollarını da açıqlayıb. Qeyd edib ki, hepatit C 3 həftəyə qədər xarici mühütdə yaşaya bilir. Bunları nəzərə alaraq hər kəs şəxsi gigiyena qaydalarına riayət etməlidir. Bu virus xüsusən qan təması ilə yoluxduğundan mümkün qədər qan təmasından qaçmaq lazımdır. Bundan başqa, ortaq cızıcı, kəsiki, deşici alətlərdən istifadə yol verilməzdir. Bu alətlər şəxsi olmalıdır.

 

"Stomatoloji kabinetdə, gözəllik salonlarında, dializ, talassemiya xəstələrində qan təması mümkün olduğu üçün sterilliyi təstiqlənmiş məkanlara üz tutun. Bir iynədən inyeksiya məqsədli bir neçə şəxsin istifadəsi yol verilməzdir. Ailədə bir neçə nəfər şəkər xəstəsidirsə, bir iynədən istifadə etmək olmaz. Ailədə bir nəfərdə Hepatit varsa, qab-qaşığı ayırmaq, təmasdan qaçmaq, uşaqları həmin şəxslərdən uzaqlaşdırmaq etik cəhətdən düzgün deyil. Bu, onlara psixoloji cəhətdən mənfi təsir edər", - deyə hepatoloq bildirib.