TƏBİB-in tabeliyindəki Sumqayıt Tibb Mərkəzi (STM) 2023-cü ilin 6 ayı ərzində şəhər əhalisinə göstərilən xidmətlərin statistikasını açıqlayıb.

 

Mərkəzdən Aztibb.az-a verilən xəbərə görə, STM-in tabeliyində olan tibb müəssisələrinə 6 ay ərzində əhali tərəfindən 752 min 771 müraciət olub. Bu müraciətlərdən 733 min 509 ambulator, 19 min 262 stasionar müraciətdir.

 

Xidmətlərə gəldikdə isə, bu müddət ərzində əhaliyə 2 milyon 87 min 8 xidmət göstərilib. Bu xidmətlərdən 1 milyon 502 min 856 ambulator, 584 min 152-si isə stasionardır.

 

Qeyd edək ki, tibb müəssisəsinə müraciət edən hər bir Azərbaycan vətəndaşı icbari tibbi sığorta ilə Xidmətlər Zərfinə daxil olan tibbi xidmətlərdən ödənişsiz istifadə edə bilər.