Stenokardiya - ürək əzələsinin kəskin qan dövranı və oksigen çatışmazlığı səbəbi ilə baş verən ürəyin işemik xəstəliklərindəndir.

 

Bu barədə  Aztibb.az-a Liv Bona Dea Hospitalının həkimi, tanınmış ürək-damar cərrahiyyə uzmanı Cabir Gülmalıyev bildirib.

 

Uzman həkim qeyd edib ki, stenokardiyanın iki klinik forması vardır: stabil (sabit) və qeyri stabil (proqressivləşən). Stabil stenokardiya növü fiziki yüklənmə nəticəsində özünü büruzə verir. Stabil stenokardiya tutması 15 dəqiqədən az davam edir, vəziyyətdən çıxmaq üçün sakit dayanmaq və 1 tablet nitroqliserin (dil altına) köməyinizə yetə bilər. Fiziki gərginlik, təzyiqin yüksəlməsi, sol qola, boyuna, çənəyə irradiasiya edən ağrı - əsas şikayətlərdəndir.