O, 2004-2010-cu illərdə Azərbaycan Tibb Universitetinin Pediatriya fakültəsində təhsil alıb və 2010-2011-ci illərdə Mərkəzi Klinik Xəstəxanada uşaq endokrinologiyası ixtisası üzrə internatura keçib.

 

Nazilə Hüseynova 2011-2016-cı illərdə müxtəlif özəl tibb müəssisələrində həkim-neonatoloq kimi çalışıb. 2017-ci ildən Mərkəzi Gömrük Hospitalında pediatr-neonatoloq kimi fəaliyyət göstərir.

 

Həkim Mərkəzi Gömrük Hospitalında yeni doğulmuş uşaqların müayinəsi, uşaqların anadan olduğu dövrdən 17 yaşa kimi olan dövrdə müayinə və müalicəsi, vaksinasiya, uşaqlarda qastroenterologiya, pulmonologiya, allerqologiya, otolarinqologiya kimi xəstəliklərin müalicəsi və ağır xəstələrin stasionar şəraitdə müalicəsi ilə məşğul olur. 

 

Daim beynəlxalq konfrans, seminar və təkmilləşdirmə kurslarında iştirak edən Nazilə Hüseynova tibb elminin nailiyyətlərini öyrənir və öz təcrübəsində tətbiq edir. O, 2011-ci ildə Türkiyə Türçesi Eğitim Öğretim Mərkəzinin pediatriya sahəsi üzrə təkmilləşdirmə kursunda, 2012-ci ildə Türkiyənin İstanbul şəhərində Acıbadem Xəstəxanalar Qrupunda neonatologiyada intensiv terapiya və reanimasiya kursu üzrə təlimdə, 2019-cu ildə Bakı şəhərində ATU-nun və Türkiyənin Ankara Universitetinin təşəbbüsü ilə keçirilmiş “Pediatrik reanimasiya və təcili pediatrik yardım” üzrə təlim kursunda iştirak edib.