Bu günlərdə II Qarabağ müharibəsi iştirakçısı olmuş qəhrəmanlarımızdan olan Məhəmməd Bayramovun ilk, digər qəhrəmanımız Vidadi Məmmədovun isə ikinci övladı dünyaya gəlib.

Naxçıvan Muxtar Respublikası Perinatal Mərkəzdə Vətən Müharibəsi iştirakçılarının həyat yoldaşlarına tibbi sığorta ilə xidmət götərilmiş, igidlərimizin ailələri üçün “Xidmətlər Zərfi”nə daxil olmayan və ödənişli əsaslarla göstərilən bir sıra tibbi xidmətlər ödənişsiz həyata keçirilib.

Bu barədə Aztibb.az-a Naxçıvan Səhiyyə Nazirliyindən məlumat verilib.

Dünyaya yeni göz açan körpələr Vətən Müharibəsi iştirakçısı Azərbaycan Respublikası Prezidentinin müvafiq Sərəncamları ilə “Şuşanın azad olunmasına görə”, “Füzulinin azad olunmasına görə”, “Döyüşdə fərqlənməyə görə”, “Şücaətə görə” və “Vətən müharibəsi iştirakçısı" medalları ilə təltif edilmiş Məhəmməd Bayramova və Ali Baş Komandan cənab İlham Əliyevin müvafiq Sərəncamları ilə “Şuşanın azad olunmasına görə”, “Xocavəndin azad olunmasına görə”, “Şücaətə görə” və “Vətən müharibəsi iştirakçısı" medalları ilə təltif edilmiş Vidadi Məmmədova və onların ailələrinə Naxçıvan Muxtar Respublikası Perinatal Mərkəzdə keçirilən tədbirlərlə təmtəraqalı şəkildə təqdim olunub.

Vətən müharibəsi iştirakçıları Vidadi Məmmədov və Məhəmməd Bayramov ölkəmizin ərazi bütövlüyü uğrunda öz canından keçmiş şəhidlərimizin ailələrinə, qazilərə, həmçinin müharibə əlillərinə göstərilən diqqət və qayğıya görə minnətdarlıq ediblər.