Daha bir gənc uzman həkim Gəncə Şəhər Birləşmiş Xəstəxanasını seçib.

Aztibb.az-ın xəbərinə görə, Mehrəliyev Vüsal Tanrıverdi oğlu Abbas Səhhət adına xəstəxananın Terapiya şöbəsində həkim-terapevt vəzifəsinə təyinat alıb.

O, 1991-ci ildə Cəbrayıl rayonu Soltanlı kəndində anadan olub. 2008-2014-ci illərdə Azərbaycan Tibb Universitetində Müalicə-profilaktika ixtisası üzrə ali təhsil alıb. 2014-2017-ci illərdə Bakı şəhəri Kliniki Tibbi Mərkəzdə Fizioterapiya və Tibbi bərpa ixtisası üzrə həkim-rezident, 2017-2018-ci illərdə Bakı şəhəri 18 saylı Poliklinikada Fizioterapiya və Tibbi bərpa ixtisası üzrə həkim-mütəxəssis vəzifəsində çalışıb.

Vüsal həkim 2018-2022-ci illərdə Türkiyə Aydın Adnan Menderes Universitetində daxili xəstəliklər (terapiya) ixtisası üzrə təhsilini davam etdirərək, 2022-ci ildə uzman həkim diplomuna yiyələnib.