Quru göz sindromunun gözün təbii mayesinin xroniki çatışmazlığı nəticəsində meydana gələn patoloji vəziyyətdir.

 

Aztibb.az xəbər verir ki, bu barədə Xətai Tibb Mərkəzinin həkim-oftalmoloqu Təranə Əliyeva bildirib.

 

Onun sözlərinə görə, daimi quruluq, göynəmə, qızartı, yanma, gözlərin çox sulanması, yad cisim hissi quru gözün əsas simptomlarıdır. Quru göz sindromu zamanı göz yaşı vəziləri və ya göz ətrafı vəzilər kifayət qədər maye ifraz etmir.

 

Təranə Əliyeva qeyd edib ki, göz həkimi tərəfindən təyin edilən süni göz yaşı damcıları vasitəsi ilə yaranan simptomları aradan qaldırmaq mümkün olur. Bunu isə yalnız həkiminiz təyin etməlidir.