Azərbaycan Respublikası Səhiyyə Nazirliyinin təşəbbüsü ilə Elmi-Tədqiqat Tibbi Bərpa İnstitutunda telesəhiyyə xidmətlərinin tətbiqi üzrə pilot layihə davam edir.

 

İnstitutdan Aztibb.az-a verilən məlumata görə, kompyuter və telekommunikasiya texnologiyalarının istifadəsi ilə tibbi informasiyaların mübadiləsinə imkan verən telesəhiyyə dünyada səhiyyə sisteminin ən sürətlə inkişaf edən seqmentlərindən biridir. Bu pilot layihəyə telesəhiyyənin onlayn həkim məsləhəti, xəstələrin vəziyyətinə distansion tibbi nəzarət kimi xidmətləri daxil edilib.