12 iyul 1863-cü ildə fransız həkim, bakterioloq və immunoloq Leon Şarl Albert Kalmet (1863-1933) anadan olub. Kalmet Kamil Qeren ilə birlikdə vərəm peyvəndini (BCG) hazırlayıb. O, həmçinin taun əleyhinə zərdab icad edib və ilan zəhərinə qarşı antitoksin istifadə edən ilk şəxs olub.
Kalmet 1886-cı ildə Parisdə tibb fakültəsini bitirir. 1891-ci ildə o, Hind-Çin Saiqonda Pasteur İnstitutunu qurur və burada ilan zəhərinə qarşı qoruyucu zərdabı kəşf edir.
Alim Fransaya qayıdır və Lilldə Paster İnstitutunu təsis edir.(1896-1919). 1908-ci ildə Albert Kalmet virulent iribuynuzlu vərəm çöplərinin öd tərkibli mühitdə yetişdirildikdə daha az virulent olduğunu aşkar edir.
Tədqiqatdan təxminən 15 il sonra bu tapəntı uşaqların vərəmə qarşı peyvənd edilməsi üçün təqdim edilən BCG-nin hazırlanmasında tətbiq edildi.
BCG peyvəndi vərəm əleyhinə peyvənddir. Bu peyvənd xəstəliyə səbəb olan M.tuberculosis ilə yaxından əlaqəli olan Mycobacterium bovis bakteriyasının zəifləmiş ştamından hazırlanır. Peyvənd 1908-ci ildən 1921-ci ilə qədər 13 il müddətində Bacillus Calmette-Guérin və ya BCG adlnda fransız bakterioloqları Albert Calmette və Kamille Querin tərəfindən hazırlanıb.
Aztibb.az
