Aztibb.az xəbər verir ki, Sumqayıt Tibb Mərkəzinin 4 nömrəli Ailə Sağlamlıq Mərkəzinin ailə həkimi, terapevt Xatirə Abdullayeva bildirib ki, insan orqanizminə lazım olan D vitamini günəş şüalarının təsirindən orqanizmin dəri səthində əmələ gəlir: “Bütün yaş qrupunda sümük - əzələ sistemində skeletin formalaşmasında, zədələnmənin bərpasında və raxit xəstəliyinin müalicəsində D vitamini vacib element sayılır”.

 

Həkimin sözlərinə görə, D vitamininin qəbulu dərman preparatlarından istifadəsindən başqa ən dolğun halda təbii yolla səhər saatlarında saat 10:00-a qədər mümkündür. Digər halda isə saat 16:00-dan 20-30 dəqiqə olmaqla ovuc və qolların iç səthini günəşə doğru tutmaqla əldə edilir. Günəş şüaları, eyni zamanda sinir-pisixi gərginliyi, depresiyanı tənzimləyir, vücudu oyandırır, əhval-ruhiyəni yaxşılaşdırır.

 

X.Abdullayeva günəş şüalarının faydaları ilə yanaşı, ziyanı olduğunu da xatırladıb: “Belə ki, dəri səthində piqment ləkələri, dəri xərçəngi, saçların quruması və tökülməsi, istivurma, günvurma, hipertermiyanın əmələ gəlməsi, yanlış zamanda günəş vannalarının qəbulu ilə bağlıdır".