"Həkimlərimizi tanıyaq!" rubrikamızda söz açacağımız İlqar Soltan oğlu Rəhimov zəngin iş təcrübəsinə malik peşəkar həkimlərimizdən biridir.

 

O, 1982-ci ildə Mingəçevir şəhərində doğulub. 1999-2005-ci illərdə N. Nərimanov adına Azərbaycan Dövlət Tibb İnstitutunda Pediatriya ixtisası üzrə ali təhsil alıb, 2005-2007-ci illərdə Ukraynada Dnepropetrovsk Tibb Akademiyasında ordinatura keçib.

 

İlqar Rəhimov 2009-cu ildə Zaqatala Müalicə Diaqnostika Mərkəzinin Cərrahiyyə şöbəsində həkim-cərrah, 2012-2021-ci illərdə Cərrahiyyə şöbəsinin müdiri vəzifələrində çalışıb. 2021-ci ildən Zaqatala Rayon Mərkəzi Xəstəxanasında həkim-cərrah kimi fəaliyyətini davam etdirir.

 

Həkim mütəmadi olaraq tibbi bilik və bacarıqlarını artırmaq məqsədilə kurslarda, təlimlərdə iştirak edir. Bir çox Fəxri fərmanlara layiq görülüb.