“Qəbələ Rayon Mərkəzi Xəstəxanası” publik hüquqi şəxsin Cərrahiyyə şöbəsində yeni təyinat olub.

Xəstəxanadan Aztibb.az-a bildirilib ki, Azər İlyasov şöbədə həkim ortoped travmatoloq vəzifəsinə təyin edilib.

Azər İlyasov 1991-ci ildə Şəki şəhər Baş Layısqı kəndində anadan olub. 2008-2014 cü illərdə Azərbaycan Dövlət Tibb Universitetində təhsil alıb. 2017-2022-ci illərdə Azərbaycan Dövlət Həkimləri Təkmilləşdirmə İnstitutunda rezident travmatoloq ortoped kimi fəaliyyət göstərib. Rezidentura müddəti boyunca Türkiyənin Dokuz Eylül, İbni Sina, EMOT, Çankaya,Marmara xəstəxanalarında, Belarusiya Mink Ortopediya Travmatologiya İnstitutunda praktika fəaliyyətində olub.

15.12.2022-03.04.2023-cü illərdə Mingəçevir Şəhər Mərkəzi Xəstəxanasında həkim ortoped travmatoloq vəzifəsində çalışıb.