“Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Ağdaş Rayon Mərkəzi Xəstəxanasının terapevti Azər Eyyubov haqqında məlumatları təqdim edirik.

Azər Əhməd oğlu Eyyubov 12 iyun 1958-ci ildə Ağdaş rayonunda anadan olub. 1975-1981-ci illər ərzində Azərbaycan Tibb Universitetinin II Müalicə-profilaktika fakültəsində təhsil alıb. 1981-1982-ci illərdə Mingəçevir şəhər Mərkəzi Xəstəxanasında internatura keçib.

O, 1982-1989-cu illər ərzində Ağdaş rayonu Pirəzə kənd sahə xəstəxanasında baş həkim, 1989-1995-ci illərdə Ağdaş MRX-da ambulator xidmət üzrə baş həkim vəzifələrində çalışıb. 1995-1997-ci illərdə Ağdaş MRX-da baş həkimin I müavini işləyib. 1997-ci ildən Ağdaş RMX-nın Terapiya şöbəsinin müdiridir.