Aztibb.az xəbər verir ki, Diaqnoz Tibb Mərkəzinin həkim-hepatoloqu Tofiq Əkbərov bildirib ki, qaraciyər piylənməsi sirroza gətirib çıxaran birinci səbəbdir.

 

Onun sözlərinə görə, xəstədə iştahsızlıq, qarın və sağ qabırğa nahiyəsində ağrı, yorğunluq və zəiflik olur. Yanaşı olaraq, müxtəlif vaxtlarda travma olmadan bədəndə göyərmələr, sarımtıl göyərmələr varsa, insan mütləq qaraciyərini yoxlatmalıdır.

 

Hepatoloq qeyd edib ki, 1-2-ci mərhələdə piylənmə heç bir siqnal vermir. Göyərmələr, qansızmalar varsa, bu, artıq ağır formadır. Bu zaman xəstədə dəri və göz bəbəyi saralır, dərisi qaşınır, sidiyi tündləşir.

Bu əlamətlərdən hətta biri varsa, mütləq həkimə müraciət etmək lazımdır.