“AzeriMed” MMC-nin kollektivi Milli Ordumuzun erməni işğalçılarına qarşı Vətən Müharibəsində əldə etdiyi uğurları, düşmənin əzəli torpaqlarımızdan qovulub çıxarılmasının gündən-günə vüsət almasını böyük ruh yüksəkliyi və sevinclə qarşılayıb.
Şirkətin Vətənin çağırışına dərhal cavab verərək cəbhənin müxtəlif bölgələrinə könüllü olaraq yollanmış 49 əməkdaşı da xalqımızın uğurla yazdığı zəfər salnaməsinin əsas iştirakçılarıdır.
Xəbər verdiyimiz kimi, hərbi əməliyyatlar başlayandan “AzeriMed” MMC rəhbərliyinin orduya dəstək məqsədilə ayırdığı 500 min manatlıq həyati vacib əhəmiyyətli sərfiyyat materialları və dərman preparatları davamlı şəkildə Azərbaycan Ordusunun sərəncamına göndərilib. Bundan sonra da ordu üçün lazım olan bu tipli tibbi məhsullar mütəmadi şəkildə müxtəlif hərbi birləşmələrə çatdırılacaq.
“AzeriMed” MMC-nin kollektivi Azərbaycan Silahlı Qüvvələrinin yaxın zamanda erməni işğalçıları üzərində həlledici və qeyd-şərtsiz qələbə çalacağına ürəkdən inanır və bu müqəddəs mübarizədə qəhrəman əsgərlərimizə uğurlar arzulayır!
Qarabağ Azərbaycandır!
_191.jpg "İnfarktdan sonra ürəyi zədələnmələrdən qorumağın yolu tapılıb")
