Onun sözlərinə görə, anadangəlmə dəyişikliklərin etiologiyası digər ürək qüsurlarında olduğu kimidir – fetal məxmərək sindromu, dərman və kimyəvi intoksikasiyalar, irsi meyllik və s.

 

Cabir Gülmalıyev qeyd edib ki, ağciyər arteriyası dəliyinin qazanılmış stenozuna infeksion endokardit, hipertrofik kardiomiopatiya, sifilitik və ya revmatik zədələnmə, ürəyin miksoması, karsinoid şişlərlə əlaqədar qapağın vegetasiyası səbəb ola bilər:

 

"Pulmonar stenoz adətən xoşxassəli klinik gedişata malikdir. Hətta ağır dərəcəli halların müalicəsi mümkündür".