TƏBİB-in tabeliyində fəaliyyət göstərən Tərtər Rayon Mərkəzi Xəstəxanası (RMX) və S.İ.H.İ-in təşkilatçılığı ilə Tərtər RMX-nın əməkdaşları Qurban bayramı münasibətilə Şəhid ailələrinə baş çəkiblər.

Aztibb.az-a bildirilib ki, görüşlərdə tarixə 44 günlük müharibə kimi düşən Vətən müharibəsindən, Milli Ordunun qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışılıb.

Vətən müharibəsində şəhidlərin qanının yerdə qalmadığı, Müzəffər Ali Baş komandan İlham Əliyevin rəhbərliyi ilə torpaqlarımızın işğaldan azad edildiyi, böyük Qələbənin tarixi əhəmiyyəti xüsusi qeyd edilib.

Bildirilib ki, öz qanları, canları bahasına tarixə şanlı zəfər gününü yazan Vətən oğulları heç zaman unudulmayacaq.

Şəhid ailələri onlara göstərilən diqqət və qayğıya görə Tərtər RMX-nın əməkdaşlarına minnətdarlıqlarını bildiriblər.

Allah Şəhidlərimizə rəhmət eləsin.