TƏBİB-in tabeliyində fəaliyyət göstərən Şəki Rayon Mərkəzi Xəstəxanasının Ailə Sağlamlıq Mərkəzinin (ASM) konfrans zalında "Vərəmlə mübarizə üzrə Tədbirlər Proqramı" mövzusunda tədbir keçirilib.
Xəstəxanadan Aztibb.az-a bildirilib ki, tədbirdə İlkin Səhiyyə Xidməti (İSX) şöbəsinin müdiri, həkim-terapevt Şəlalə Bayramova, ASM bölmə müdiri, həkim-terapevt Firuzə Həmidova, Ftiziatriya kabinetinin müdiri, həkim-ftiziatr Sevinc İsmayılova, ailə həkimi-terapevtlər, pediatrlar, kənd həkim məntəqə və kənd tibb məntəqə müdirləri və tibb işçiləri iştirak ediblər.
Tədbiri giriş sözü ilə açan Şəlalə Bayramova vərəm xəstəliyinin erkən aşkar edilməsi, aktiv skrininqlərin aparılması, yoluxma saylarının qarşısının alınması məqsədilə ftiziatr həkimlərlə işlərin qurulmasından danışıb.
Daha sonra həkim-ftiziatr Sevinc İsmayılova dünyada və Azərbaycanda epidemioloji vəziyyət və ölkədə vərəm xəstəliyinə qarşı aparılan tədbirlər haqqında məlumat verib.
Sonda iştirakçılarla mövzu ətrafında müzakirələr aprılıb.