Konyunktivit gözün selikli qişasının iltihabına deyilir. Bu, bir və ya iki gözdə meydana gələ bilər.

 

Nərimanov Tibb Mərkəzinin oftalmoloqu Fatma Maayeva Aztibb.az-a bildirib ki, konyunktivitlər infeksion və qeyri-infeksion olmaqla 2 qrupa bölünür. İnfeksion konyunktivit dedikdə bakterial və viral mənşəli konyunktivitlər, qeyri-infeksion dedikdə isə allergik konyunktivitlər nəzərdə tutulur.

 

Oftalmoloqun sözlərinə görə, konyunktivitin rast gəlinən əlamətləri gözlərin qızarması, qaşınma, sulanma, göz qapaqlarında şişkinlik, irinli ifrazatın olması, çapaqlanma və s.-dir

 

"Gigiyenik qaydalara diqqət etməklə xəstəlikdən qorunmaq olar. Ancaq siz artıq sadaldığımız əlamətlərdən birini və ya bir neçəsini özünüzdə görürsünüzsə oftalmoloqa müraciət etməyiniz məsləhətdir.

Çünki konyunktivit zamanı həkim məsləhəti olmadan damla istifadəsi yol verilməzdir. Konyunktivitin növü təyin edildikdən sonra müalicə başlanılmalıdır", -deyə Fatma Maayeva vurğulayıb.