Aztibb.az-a Xəstəxanadan bildirilib ki, Mahir Mustafa oğlu Mustafayev Göygöl Rayon Mərkəzi Xəstəxanasının Hemodializ şöbəsinin müdiri, nefroloq vəzifəsinə təyin olunub.

 

Qeyd olunub ki, o, 1967-ci ildə Gəncə şəhərində anadan olub. 1990-1996-cı illərdə Azərbaycan Tibb Universitetinin Müalicə-profilaktika fakültəsində təhsil alıb. 1996-1997-ci illərdə Gəncə şəhər Təcili tibbi yardım xəstəxanasının Reanimasiya və anesteziologiya şöbəsinin həkim- interna və həkimi vəzifəsində çalışıb.

 

Mahir Mustafayev 2005-2013-cü illərdə Gəncə şəhər Hemodializ Mərkəzində, 2013-2023-cü illərdə Gəncə şəhər Şans Tibb Mərkəzində həkim-nefroloq işləyib. O, bioloji təbabət və inteqrativ tibb üzrə mütəxəssisdir.