Həkim bildirib ki, ürəyin tac damar xəstəliyi, tac arteriyaların və ürəyi qidalandıran arteriyaların daralması yaxud tıxanması nəticəsində ortaya çıxan xəstəliklərə verilən addır. Ürəyi qidalandıran damarların daralması nəticəsində yetəri qədər oksigen ala bilməyən ürək əzələsi bunu ağrı ilə biruzə verir. Bu ağrı tac arteriya xəstəliyinin ilkin əlamətidir.

 

Onun sözlərinə görə, tac arteriya xəstəlikləri koronar arteriyanın daxili səthinin zədələnməsi ilə başlanır və aterosklerozla (damar sərtləşməsi) sonlanır. Damarlar zədələndikdən sonra piy dənəcikləri və digər hüceyrə metabolizmi məhsulları zədələnmiş hissədə toplanmağa başlayır və nəticədə damar tutulması və infarkt yaranır:

 

"Arteriyaların hər hansı birində 70%-dən çox daralma ürək əzələsinin qidalanmasının pozulmasına səbəb olur və bu zaman müdaxilə labüddür".