Astiqmatizm – buynuz qişa və ya büllurun qeyri-sferik formaya malik olması ilə səciyyələnən refraksiya anomaliyasıdır.

 

Nərimanov Tibb Mərkəzinin oftalmoloqu Fatma Maayeva Aztibb.az-a bildirib ki, astiqmatizm görmə qabiliyyətinin pozulması, əşyaların bulanıq təsviri, baş ağrıları, zehni fəaliyyət zamanı yorğunluq, qaşüstü nahiyədə diskomfort hissi ilə təzahür edir.

 

Onun sözlərinə görə, astiqmatizmin diaqnostikası oftalmoloqun konsultasiyası, görmə itiliyinin yoxlanılması, refraksiyanın müayinəsi (skiaskopiya, refraktometriya),kompüter keratotopoqrafiyasından və sairdən ibarətdir.

 

Oftalmoloq bildirib ki, astiqmatizm eynəklər, kontakt linzalar və ya refraktiv cərrahiyyə (Lazer və ya gözdaxili linza) ilə müalicə edilə bilər.