Artıq çəki və piylənmə yalnız estetik problem deyil bir çox xəstəliklərə yol açır. Çəki atmaq üçün ilk olaraq su qəbul etmək lazımdır. Kiloqram başına 30-35 ml su qəbul olunmalıdır. Məsələn, çəkisi 60 kq olan biri 1800- 2100 ml arası su içməlidir.

 

Bu barədə Aztibb.az-a həkim-dietoloq Könül Məmmədova məlumat verib.

 

Həkim bildirib ki, lifli qidalara üstünlük vermək lazımdır. Mərci, paxla, lobya, yulaf, brokkoli, gül kələmi, yerkökü, kərəviz və bəzi meyvələr çəkinin nisbətən tez itirilməsinə yardım edir.

 

Onun sözlərinə görə, ədviyyatlardan istifadə etmək lazımdır. Darçın- metobolizmi sürətləndirir, xolesterini tənzimləyir. Zəncəfil- çəki verməyə dəstək olur. İstiot- tərkibində olan piperin maddəsi kalori yandırır. Pul bibər- çəki verməni sürətləndirir.

 

"Qidalanma ilə yanaşı, mütləq yuxu rejiminə diqqət etməli və fiziki aktivliyi artırmaq lazımdır", - deyə Könül Məmmədova əlavə edib.