Sevda Həsənova 1955-cü ildə Qazax rayon Əzizbəyli kəndində anadan olub. 1973-1979-cu illərdə Azərbaycan Tibb Universitetinin Müalicə-profilaktika fakültəsində təhsil alıb.

 

O, 1982-ci ildən Göygöl Rayon Mərkəzi Xəstəxanasında həkim-terapevt vəzifəsində çalışır. Təcrübəli həkim müxtəlif illərdə Əziz Əliyev adına Azərbaycan Dövlət Təkmilləşdirmə İnstitutunda revmatizm, hipertoniya xəstəliyi, terapiya, pulmonologiyada antibakterial müalicə, qastroenterologiyada funksional xəstəlikləri, diaqnostika, müalicə prinsipləri, reabilitasiya və profilaktika mövzularında sertifikasiya kurslarından keçib.

 

İşlədiyi müddətdə müxtəlif təşəkkürnamə və fəxri fərmanlar alıb, iki dəfə sertifikasiya imtahanından keçib.

 

Sevda Həsənova tərəfindən ürək-damar, tənəffüs orqanları, mədə-bağırsaq sistemi xəstəliklərinin, eləcə də revmatik və endokrinoloji xəstəliklərin, ifrazat sistemi xəstəliklərinin müayinə və müalicəsi aparılır.