Mərkəzi Gömrük Hospitalının Mama-ginekologiya şöbəsinin mama-ginekoloqu Nərmin Muradova Avropa Ginekologiya Cəmiyyətinin təşkilatçılığı ilə Hollandiyanın Amsterdam şəhərində keçirilən 15-ci Avropa Ginekoloji Birliyinin VIII beynəlxalq konfransında iştirak edib.

 

Aztibb.az-a Mərkəzi Gömrük Hospitalından verilən xəbərə görə, konfransda dünyanın müxtəlif ölkələrindən tanınmış cərrah ginekoloqlar çıxış ediblər.

 

Tədbirdə hamiləlik zamanı istifadə olunan dərman preparatları, endometrioma cərrahiyyəsinin yumurtalıq rezervinə təsiri, laparoskopik müalicədə myoma uteri və endometrioz və digər mövzular ətrafında müzakirələr aparılıb.

 

Konfransın sonunda iştirakçılara sertifikatlar təqdim edilib.

 

Qeyd edək ki, 1995-ci ildən etibarən Avropa Ginekologiya Cəmiyyəti bütün dünyada mama-ginekologiya sahəsi üzrə ən fəal nümayəndələrini bir araya toplayır, ən müasir müayinə və müalicə metodlarının təqdimatını edir.