Aztibb.az "Həkimlərimizi tanıyaq!" rubrikasında bu dəfə Mingəçevir Şəhər Mərkəzi Xəstəxanasının Reanimasiya şöbəsinin Uşaq İntensiv Terapiya bölməsinin müdiri Fidan Qurbanova haqqında məlumatları təqdim edir.
Fidan İlqar qızı Qurbanova 1986-cı ildə Yevlax rayon Salahlı kəndində anadan olub. 2003-2009-cu illərdə Azərbaycan Tibb Universitetinin Pediatriya fakültəsində təhsil alıb. 2009-2010-ci illərdə Mərkəzi Klinikada Anestezologiya və Uşaq Reanimasiya şöbəsində internatura keçib.
O, 2011-ci ildə Mingəçevir Şəhər “Ana və Uşaq” MSM-nın Uşaq reanimasiya şöbəsində uşaq-reanimatoloqu kimi əmək fəaliyyətinə başlayıb. 2017-ci ildə Mingəçevir ŞMX-nın Reanimasiya şöbəsinin Uşaq intensiv terapiya bölməsində reanimatoloq işləyib. 2019-cu ildən etibarən Mingəçevir ŞMX-nın Reanimasiya şöbəsinin Uşaq intensiv terapiya bölməsinin müdiri vəzifəsini icra edir.