Mərkəzi Gömrük Hospitalında yeni kadr dəyişikliyi olub.

 

Hospitaldan Aztibb.az-a bildirilib ki, Gülay Məmmədzadə müəssisədə həkim-psixiatr vəzifəsinə təyin olunub.

 

Gülay Məmmədzadə 2006-cı ildə Azərbaycan Tibb Universitetinin Müalicə işi fakültəsini bitirib və 2006-2007-ci illərdə 1 saylı Kliniki Psixiatriya Xəstəxanasında internatura təhsili alıb. 2015-2017-ci illərdə o, Boston şəhərində yerləşən “Harvard School of Public Health” Universitetində və “Boston Children’s” Hospitalında 2 illik psixi sağlamlıq və elmi işlərin aparılması üzrə ixtisasartırma kursu keçib.

 

Həkim 2018-ci ildə “Süd vəzisi xərçəngi olan qadınlarda psixi sağlamlıq və həyat keyfiyyəti” mövzusunda elmi işini müdafiə etmiş və 2019-cu ildə tibb elmləri üzrə fəlsəfə doktoru elmi adını alıb. 2020-2022-ci illərdə İmperial College London Universitetində İctimai səhiyyə üzrə postdiplom təhsili keçərək magistr dərəcəsini alıb.

 

Gülay həkim 2007-2009-cu illərdə Bərpa Tibb Mərkəzində həkim-psixiatr, 2009-2022-ci illərdə Azərbaycan Tibb Universitetində Psixiatriya Kafedrasının assistenti və 2 saylı Kliniki Psixiatriya Xəstəxanasının həkim-psixiatrı kimi çalışıb. Eyni zamanda 2019-2021-ci illərdə Azərbaycan Tibb Universitetinim Rezidentura və magistratura şöbəsinin müdir müavini vəzifəsində işləyib.