"Həkimlərimizi tanıyaq!" rubrikamızda Füzuli Səfərovu oxuculara təqdim edirik.
Füzuli Səfərov 1984-cü ildə Cəbrayıl rayonunda anadan olub. 2001-2007-ci illərdə Azərbaycan Tibb Universitetinin Müalicə-profilaktika fakültəsində təhsil alıb. 2007-2008-ci illərdə 3 saylı Birləşmiş Şəhər Xəstəxanasında internatura keçib.
O, 2012-2013-cü illərdə Türkiyə Cümhuriyyəti Ankara Tıp universitetində Endokrinologiya üzrə, 2015-2016-cı illərdə həmin universitetdə daxili xəstəlikər üzrə təcrübə keçib. 2019-cu ildə Türkiyədə STS imtahanından uğurla keçərək “Denklik belgesi” qazanıb.
F.Səfərov 2009-2021-ci illərdə fərqli özəl klinikalarda həkim-terapevt, həkim-endokrinoloq vəzifələrində çalışıb. 2022-ci ildə Türkiyə Cümhuriyyətində həkim işləyib.
2023-cü il fevral ayından Pirallahı Tibb Mərkəzinin TTTY şöbəsində həkim vəzifəsində çalışıb, aprel ayından Terapiya şöbəsində müdiri vəzifəsini icra edir.