Binəqədi Tibb Mərkəzində "Xalqın qurtuluş ümidi - Ümummilli Lider" adlı konfrans keçirilib.

Mərkəzdən Aztibb.az-a bildirilib ki, Milli Qurtuluş Gününə həsr olunan tədbirdə əvvəlcə Ümummilli Lider Heydər Əliyevin xalqın tələbi ilə hakimiyyətə gəlməsini əks etdirən qısa film izlənilib.

Tədbiri giriş nitqi ilə açan Binəqədi Tibb Mərkəzinin direktoru Əsədulla Sultanov müstəqillik qazandıqdan sonra xalqımızın çox əziyyətlərə düçar olduğunu, xalqı o çətin günlərdən yalnız Heydər Əliyevin çıxara bildiyini qeyd edib. Direktor Ümummilli Liderin xalqın tələbi ilə çox çətin dövrdə hakimiyyətə gəlişinin ölkədə əmin-amanlığın bərqərar olmasında mühüm rola malik olduğunu və bugünkü inkişaf etmiş Azərbaycanın Ulu Öndərin ən böyük əsəri olduğunu bildirib.

Sonra Binəqədi Tibb Mərkəzinin baş həkimi Rafiq Nağıyev çıxış edərək Heydər Əliyevin Azərbaycanı uçurumun kənarından xilas etdiyini vurğulayıb. O, Ulu Öndərin hakimiyyətə gəlişinin xalqımızın qurtuluşunun və mövcudluğunun davam etdirilməsi adına vacibliyini qeyd edib.

Daha sonra çıxış edən Binəqədi Tibb Mərkəzinin həkim-otorinolarinqoloqu Gülər Rəhmanova Milli Qurtuluş Gününün hər bir Azərbaycan gənci üçün əlahiddə önəm kəsb etdiyini və bütün Azərbaycan gəncliyinin Ulu Öndərə və onun layiqli davamçısı Prezident İlham Əliyevə minnətdar olduğunu vurğulayıb.

Tədbirdə Binəqədi Tibb Mərkəzinin həkim-ginekoloqu Pərvanə Salmanova Ümummilli Lider Heydər Əliyevin uzaqgörən siyasəti nəticəsində Azərbaycanın beynəlxalq miqyasda öz sözünü deyən bir ölkə olduğunu və Prezident İlham Əliyev tərəfindən Azərbaycanın beynəlxalq nüfuzunun daha da artırıldığını bildirib.