15 İyun – Milli Qurtuluş Günü və 17 iyun - Tibb İşçilərinin Peşə Bayramı Günü ilə əlaqədar olaraq, TƏBİB-in tabeliyində fəaliyyət göstərən Oğuz Rayon Mərkəzi Xəstəxanasının rəhbərliyi və kollektivi Ümummilli Lider Heydər Əliyevin Oğuz şəhərinin mərkəzində ucaldılmış abidəsini ziyarət edib, önünə gül dəstələri qoyaraq Ulu Öndərin xatirəsinə öz ehtiramlarını bildiriblər.
Oğuz Rayon Mərkəzi Xəstəxanasından Aztibb.az-a bildirilib ki, ötən əsrin 90-cı illərinin əvvəllərində ölkəmizin ictimai-siyasi həyatında baş verən proseslərə qısa nəzər salınıb, 1993-cü ilin iyun hadisələri barədə danışılıb. Qeyd olunub ki, XX əsrin sonlarında yenidən müstəqilliyinə qovuşan Azərbaycan qısa vaxtdan sonra onun itirilməsi təhlükəsi ilə üz-üzə qalıb. Həmin dövrdə iqtidarda olanların səriştəsiz və xəyanətkar əməllərinin məntiqi nəticəsi olan hakimiyyət böhranı 1993-cü ilin iyununda artıq kulminasiya həddinə çatıb. Ölkəni xaos və anarxiya bürüyüb, dövlət müstəqilliyimiz çox ciddi təhlükə ilə üzləşib.