Selen immun sisteminin, DNT funksiyalarının və tiroid vəzinin sağlam işləməsi üçün lazım olan çox vacib bir mineraldır.

Aztibb.az xəbər verir ki, selen bədəndə maddələr mübadiləsində antioksidant rolunu oynayaraq erkən qocalmanın qarşısını alır. Ürək sağlamlığı, reproduktiv, psixi sağlamlıq, infeksiya və iltihabla mübarizə kimi proseslərdə iştirak edir. Saç və dırnaq sağlamlığında aktiv bir mineral olan selen E vitamini ilə birlikdə hərəkət edə bilər və ya bu vitamini əvəz edə bilər.

Selen çatışmazlığı immun sistemini zəiflədə və xərçəng kimi xroniki xəstəliklərin inkişafına səbəb ola bilər və onun artıqlığı orqanizmdə toksinlər əmələ gətirir.