Aztibb.az-ın "Həkimlərimizi tanıyaq!" rubrikasının növbəti qonağı Kürdəmir Rayon Mərkəzi Xəstəxanasının həkim qastroenteroloq-endoskopik Elşən İbrahimovdur.

 

Elşən Ağaibrahim oğlu İbrahimov 30 mart 1976-cı ildə Kürdəmir rayon Sığırlı kəndində anadan olub. 1993-cü ildə Azərbaycan Dövlət Tibb Universitetinin müalicə-profilaktika fakültəsinə daxil olub, 1999-cu ildə universiteti bitirib. 1999-2000-ci ildə Respublika Dəri-Zöhrəvi dispanserində internatura keçib.

 

O, 2006-cı ildən Kürdəmir Rayon Mərkəzi Xəstəxanasında TTTY şöbəsində həkim kimi işə başlayıb. 2008-ci ildən 2010-cu ilə qədər İnfeksion şöbənin müdiri vəzifəsində çalışıb. 2011-ci ildən Kürdəmir Rayon Mərkəzi Xəstəxanasının Poliklinika şöbəsində həkim qastroenteroloq-endoskopik kimi fəaliyyət göstərir.