Quba Rayon Mərkəzi Xəstəxanasının peşəkar həkim və tibb işçilərindən ibarət briqadasının iştirakı ilə Quba rayon Qımıl kənd sakinlərinin tibbi müayinəsi həyata keçirilib.

 

Bu barədə Aztibb.az-a Quba Rayon Mərkəzi Xəstəxanasından məlumat verilib.

 

 

Keçirilən səyyar həkim qəbulunda pediatr, şüa-diaqnostika, lobarant, mama-ginekoloq, terapevt və cərrah həkimlər iştirak ediblər. Aparılan müayinələrə əsasən kənd sakinlərindən müvafiq qan analizləri alınıb və ona uyğun olaraq müalicə təyin olunub.

 

Kəndlərdə keçirilən tibbi müayinələrin əsas məqsədi ahıl və həssas qrup insanların tibbi xidmətə əlçatanlığını təmin etmək, TƏBİB-in və İcbari Tibbi Sığortanın yaratdığı imkanlar çərçivəsində təqdim olunan xidmətlərlə bağlı maarifləndirmə işləri aparmaqdır.