Səhiyyə Nazirliyi Elmi-Tədqiqat Mamalıq və Ginekologiya İnstitutunda hamiləliyin 30-cu həftəsində 1500 qram çəkidə dünyaya gələn körpə 26 günlük müalicədən sonra ailəsi ilə birlikdə evə yola salınıb.

 

Bu barədə Aztibb.az-a İnstitutdan xəbər verilib.

 

Həkim mama-ginekoloq Həlimə İdrisovanın nəzarətində olan qadına uşaqlıq boynu çatışmazlığı diaqnozu ilə hamiləliyin 20-ci həftəsində stasionar müalicə planı təyin olunub. Hamiləliyin patologiyası şöbəsində nəzarətdə olan qadına vəziyyəti ilə əlaqədar hamiləliyin 30-cu həftəsində H.İdrisova tərəfindən uğurla icra olunan qeysəriyyə kəsiyi ilə 1500 qram çəkidə körpə dünyaya gəlib.

 

Yenidoğulmuşların reanimasiya və intensiv terapiyası şöbəsinə köçürülən vaxtından əvvəl dünyaya gələn körpə həkim-neonatoloq Kövsər Azadəliyeva, şüa-diaqnostika üzrə həkim Təranə Kərimova və tibbi heyətin daim nəzarətində olub.

 

Düzgün müalicə taktikası ilə 26 gündən sonra ailəsi ilə birlikdə sağlam şəkildə evə yola salınıb.