İran iki həftədən sonra koronavirus (COVID-19) peyvəndinin insanlar üzərində sınaqlarına başlayacaq. 

Aztibb.az TASS-a istinadən bildirir ki, bunu İran Səhiyyə naziri Səid Namaki açıqlamasında bildirib. 

Nazir qeyd edib ki, İran koronavirusa qarşı peyvəndin inkişafı istiqamətində müsbət irəliləyişlər əldə edib: “Bir neçə tədqiqat qrupunun birgə əldə etməyə çalışdığı peyvənd artıq meymunlar üzərində sınaqdan keçirilib. İnsanlar üzərində sınaqlar isə qarşıdakı iki-üç həftə ərzində gerçəkləşəcək”. 

Səid Namaki əlavə edib ki, bütün bu prosedurlar beynəlxalq standartlara və Ümumdünya Səhiyyə Təşkilatının protokollarına, eləcə də İran Qida və Dərman Təşkilatının normalarına uyğun həyata keçirilib.